నిరుద్యోగ యూవతకు ఇతను ఆదర్శం

ప్రభుత్వ ఉద్యోగం చాలామంది కుర్రకారు కల... సాకారం కావాలంటే తీవ్రంగా శ్రమించాల్సిందే... సరదాలు మానాలి.. గంటలకొద్దీ పుస్తకాలకే అతుక్కుపోవాలి...లక్షలమందితో పోటీ పడి నెగ్గాలి... ఒక్క కొలువే గగనమైన ఈ రోజుల్లో ఏకంగా ఆరింటిని అవలీలగా సాధించాడు ఆదిలాబాద్‌ జిల్లా కుర్రాడు రాపెల్లి రాజశేఖర్‌.

ఖానాపూర్‌కి చెందిన అమృత, ఎర్రన్నలు వ్యవసాయ కూలీలు. మా పిల్లలు మాలాగ కష్టపడొద్దని వాళ్ల తపన. చదువే అందుకు మార్గంగా కనపడింది. కన్నవాళ్ల కోరికను చిన్నప్పుడే అర్థం చేసుకున్నాడు రాజశేఖర్‌. క్షణం దొరికినా పుస్తకం వదిలేవాడు కాదు. ఆ కష్టం ఫలితాన్నిచ్చింది. పదోతరగతిలో పాఠశాలలో ప్రథముడిగా నిలవడంతో రాజశేఖర్‌లో ఏదైనా సాధించొచ్చనే ఆత్మవిశ్వాసం పెరిగింది. ఓ ప్రైవేటు కళాశాల ఉచిత భోజన, వసతి కల్పించడంతో పట్టుదలగా చదివి నిర్మల్‌ పట్టణ టాపర్‌గా నిలిచాడు. 84 శాతం మార్కులతో ఉస్మానియా విశ్వవిద్యాలయం నుంచి మెకానికల్‌ ఇంజినీరింగ్‌ పూర్తి చేశాడు. అదే జోరుతో ‘గేట్‌’ రాస్తే జాతీయ స్థాయిలో 15వ ర్యాంకు వశమైంది.
డిగ్రీ పట్టా చేతికందగానే కొలువుల వేట ప్రారంభించాడు రాజశేఖర్‌. 2010లో ఇండియన్‌ ఆయిల్‌ కార్పొరేషన్‌లో మొదటి ఉద్యోగం కొట్టి ఖాతా తెరిచాడు. ఓవైపు విధులు నిర్వర్తిస్తూనే మంచి హోదా ఉండే ఇతర పోటీ పరీక్షలకు సిద్ధమయ్యేవాడు. అలా నాలుగేళ్లలో ఇంకో ఐదు ఉద్యోగాలు సొంతం చేసుకున్నాడు. వీటిలో ఇంజినీరింగ్‌ అభ్యర్థులు కలలు కనే ఇండియన్‌ ఇంజినీరింగ్‌ సర్వీస్‌ (ఐఈఎస్‌) కూడా ఉంది. 2013లో మొదటిసారి ఐఈఎస్‌ రాస్తే సఫలం కాలేదు. అదే అతడి జీవితంలో తొలి అపజయం. సవాలుగా తీసుకొని దిల్లీకెళ్లి కొన్నాళ్లు శిక్షణ తీసుకొని కసిగా చదివాడు. ప్రతిష్ఠాత్మక కొలువు పాదాక్రాంతమైంది. దీంతోనే సరిపెట్టుకోకుండా సివిల్స్‌ సాధించడమే లక్ష్యంగా పెట్టుకున్నాడు రాజశేఖర్‌. ఇంటర్‌లో ఉండగా ‘యూ ఆర్‌ ది క్రియేటర్‌ ఆఫ్‌ యువర్‌ ఓన్‌ డెస్టినీ’ అనే అంగ్ల సామెత అతడినెంతో ఆకట్టుకొంది. దాన్నే అమలుపరుస్తూ నచ్చినట్టుగా తలరాత రాసుకుంటున్నాడు ఈ పాతికేళ్ల కుర్రాడు.
ఐదేళ్లలో ఆరు ఉద్యోగాలు
* 2010లో ఇండియన్‌ ఆయిల్‌ కార్పొరేషన్‌లో మెటీరియల్స్‌ ఆఫీసర్‌ ఉద్యోగం
* 2013లో ఓఎన్‌జీసీ ఏఈఈగా ఎంపికయ్యాడు
* 2015లో వైజాగ్‌ స్టీల్‌ ప్లాంట్‌లో మేనేజ్‌మెంట్‌ ట్రెయినీగా కొలువు
* 2016లో తెలంగాణ జెన్‌కోలో ఏఈగా విజయం
* కేంద్ర ప్రభుత్వ పేటెంట్‌ ఆఫీసర్‌గా నియామకం
* తాజాగా యూపీఎస్సీ నిర్వహించిన దశలవారీ పరీక్ష ద్వారా ఐఈఎస్‌కి ఎంపిక.
సేకరణ:-రాజ్ మహమ్మద్,డేబైడైన్యూస్99

కామెంట్‌లు

కామెంట్‌ను పోస్ట్ చేయండి

ఈ బ్లాగ్ నుండి ప్రసిద్ధ పోస్ట్‌లు

తేడాలు: పట్టణ - పల్లె వాసులకు

చిత్రం
సాధారణం గా పట్టణ,పల్లెల్లో స్కూల్ విద్యార్థులకు తేడ మనకు స్ఫష్టం గా కనిపిస్తుంది.దేనికి కారణం వారు జీవించే ప్రాంతాలను పట్టి మనకు అర్థం అవుతుంది.ఇక్కడా బాగుపడ్డవారు, అక్కడ బాగుపడని వారున్నారు.ముఖ్యంగా పల్లెల్లో మారుతున్న జీవన విధానం అంత తొందరగా పట్టణాల్లో వచ్చినంతగా రావు.పట్టణాల్లో నిర్దిష్టమైన క్రమశిక్షణ, నిపుణులు సలహాలు, ఉద్యోగ అవకాశాలు ఎక్కువ.అతి ముఖ్యంగా నాణ్యమైన చదువు,వస్తు, ఉద్యోగ,ప్రొఫెషనల్,క్రీడలు,వ్యక్తిగత విషయాల్లో అంచనా,శారీరక మానసిక, వైద్య , వ్యాపార రంగాల్లో,సామజిక మాధ్యమాల్లో,నిపుణులు ఎక్కువగా ఉంటారు.వీటి ద్వార అక్కడ పెరిగే పిల్లల్లో వారు ఎంచుకున్న వాటిల్లో తొలి దశ నుండే ఎంతో కొంత అవగాహనా ఉంటుంది వారు ఎంచుకునే రంగాల్లో.కానీ పల్లెలో కివస్తే మొత్తము తేడ అవకాశాలు తక్కువ ఎందుకంటే వారి చుట్టూ వుండేవారు సాంప్రదాయ వృత్తి లో జీవించే వాళ్ళు ఎక్కువ. పల్లెల్లో జీతం జీవితం ల ఉంటుంది ఎక్కువగా.దీనికి కారణం అందరికి అంటే పట్టణాల్లో ఉండే వారికీ బాగా తెలుసు.వారికున్న అవకాశాలు, వీరికున్న అవకాశాలు.పల్లెల్లో నివసించి పట్టణాలకు చదువు కునే వారు నేటి సమాజం లో ఎక్కువ.వీళ్ళు పడే బాధలు వల్లనే
మరింత చదవండి

వినాయకుని తొండం ఎటు వైపునకు ఉంటే మంచిది?

చిత్రం
వినాయక చవితి వచ్చిందంటే.. పూలు, ఆకులు, విగ్రహాల సందడి మొదలవుతుంది. అయితే.. ఇంటికి విగ్రహం తీసుకొచ్చేటప్పుడు అందరికీ అంతుచిక్కన సందేహం.. వినాయకుడి తొండం. వినాయకుడి తొండం ఎటు వైపు ఉంటే మంచిదనే సందేహం ప్రతి ఒక్కరినీ వెంటాడుతుంది.కొంతమంది కుడివైపుకి తిరిగిన తొండం ఉన్న వినాకుడిని తీసుకోవాలి అని సూచిస్తే.. మరికొందరు ఎడమవైపు తొండం ఉన్న వినాయకుడి శ్రేష్టమని చెబుతారు. అసలు వినాయకుడి తొండం ఎటు వైపు తిరిగి ఉండాలి ? కుడివైపు మంచిదా ? ఎడమవైపు మంచిదా ? లక్ష్మీ గణపతి వినాయకునికి తొండము ముఖ్యము.  కుడి వైపుకు తిరిగి ఉన్న తొండము ఉన్న గణపతిని ‘లక్ష్మీ గణపతి' అంటారు.  తపో గణపతి తొండము లోపలి వైపుకు ఉన్న గణపతిని ‘తపో గణపతి' అని అంటారు. పూజలు వద్దు తొండము ముందుకు ఉన్న గణపతికి అసలు పూజలు చేయరాదు.  వృద్ధ గణపతి గణపతికి ఒక దంతము విరిగి ఉంటుంది. విరిగి ఉన్న ఆ దంతము చేతితో పట్టుకొని ఉన్న గణపతిని వృద్ధ గణపతి అంటారు. ఈ గణపతికి కూడా పూజలు చేయరాదు. ఎలుక కంపల్సరీ గణపతి వాహనము ఎలుక కాబట్టి మనం పూజించే ప్రతిమలో గణపతి విడిగా, ఎలుక విడిగా ఉండకూడదు. గణపతి ప్రతిమలోనే ఎలుక అంతర్భాగమై ఉండేలా జాగ్రత్త పడాలి. నవ్వుతు
మరింత చదవండి

మనిషి విలువ

చిత్రం
👉🌷 నీ విలువ ఎంత --?🌷 ఒక వ్యేక్తి దేవునిని అడిగాడు ”నా జీవితం విలువ ఏంత” అని. అప్పుడు దేవుడు అతనికి ఒక రాయిని ఇచ్చి “ ఈ రాయి విలువ తెలుసుకునిరా... కానీ దీనిని అమ్మకూడదు” అని చెప్పి పంపించారు. ఆ వ్యేక్తి ఒక పండ్ల వ్యాపారి దగ్గరికి ఆ రాయిని తీసుకుని వెళ్లి ”దీని విలువ ఎంత ఉంటుంది ? అని అడిగాడు.... ఆ పండ్ల వ్యాపారి ఈ రాయికి నేను ఒక ఐదు పండ్లు ఇస్తాను, అమ్ముతావా ఏంటి అని అడిగాడు. కానీ దేవుడు ఈ రాయి విలువను మాత్రమే తెలుసుకోమన్నారు, అమ్మమనలేదు. కనుక ఆ వ్యేక్తి ఆ పండ్ల వ్యాపారి దగ్గరినుండి వెళ్ళిపోయాడు. తరువాత ఒక కూరగాయల వ్యాపారి దగ్గరికి ఆ రాయిని తీసుకుని వెళ్లి ”దీని విలువ ఎంత ఉంటుంది ? అని అడిగాడు.... ఆ కూరగాయల వ్యాపారి ఈ రాయికి నేను ఒక పది కేజీల కూరగాయలు ఇస్తాను, నాకు అమ్ముతావా అని అడిగాడు. కానీ దేవుడు ఈ రాయి విలువను మాత్రమే తెలుసుకోమన్నారు, అమ్మమనలేదు. కనుక ఆ వ్యేక్తి ఆ కూరగాయల వ్యాపారి దగ్గరి నుండి కూడా వెళ్ళిపోయాడు. తరువాత.... ఆ వ్యేక్తి ఒక బంగారు నగల వ్యాపారి దగ్గరికి ఆ రాయిని తీసుకుని వెళ్లి ”దీని విలువ ఎంత ఉంటుంది ? అని అడిగాడు.... ఆ బంగారు నగల వ్యాపారి ఈ ర
మరింత చదవండి